Tədris sahələri

UX/UI Dizayn

UX (User Experience) istifadəçi təcrübəsini, UI (User Interface) isə istifadəçi interfeysini ifadə edir. UX dizaynı istifadəçinin məhsul və ya xidmətlə qarşılıqlı əlaqəsi zamanı yaşadığı bütün təcrübələri əhatə edir və bu təcrübəni daha sadə, səmərəli və xoş hala gətirməyə çalışır. UX prosesində istifadəçi davranışları və test nəticələri nəzərə alınaraq dizayn qərarları verilir.

UI dizaynı isə vizual interfeysin aydın, estetik və funksional olmasına diqqət yetirir. O, interfeysin görünüşü və interaktiv elementləri ilə məşğul olur. UX və UI bir-biri ilə bağlı olsa da, fərqli sahələri əhatə edir: UX istifadəçinin qavrayışına fokuslanır, UI isə dizaynın gözəlliyi və vizual təqdimatına diqqət yetirir. Bu sahələr birləşərək istifadəçilər üçün həm rahat, həm də cəlbedici təcrübə yaradır.