Tədris sahələri

Frontend Proqramlaşdırma (React JS, Vue JS)

Hər bir veb sayt və ya tətbiq iki əsas hissədən ibarətdir: backend və frontend. Frontend istifadəçi ilə sayt arasında qarşılıqlı əlaqəni təmin edən hissədir. Sayta daxil olduqda gördüyünüz şəkillər, düymələr, menyular və digər vizual elementlər frontend tərəfindən hazırlanır. Bu hissəyə həmçinin rənglərin, mətnin, şriftlərin və elementlərin yerləşdirilmə qaydalarının təyini də daxildir.

Frontend proqramçıları əsasən HTML, CSS və JavaScript dillərindən istifadə edirlər. İstifadəçilər sadə, rahat və gözəl görünüşlü sayt və tətbiqlərə üstünlük verirlər. Daha yaxşı vizual interfeys istifadəçi təcrübəsini artırır və saytın daha çox bəyənilməsinə səbəb olur.

Müasir frontend layihələrində kodun səmərəli hazırlanması üçün React JS, Vue JS və Angular JS kimi JavaScript kitabxanaları və frameworklər geniş tətbiq olunur. Bu alətlər kodu modul və təkrar istifadə oluna bilən komponentlərə ayırır, kodun təkrarını azaldır və proqramın test edilməsini asanlaşdırır.